ملتقى شباب و صبايا سوريا

عزيز الزائر إذا أردت التمتع بميزات منتدياتنا اضغط على زر التسجيل وشكرا
ملتقى شباب و صبايا سوريا

منتدى شبابي روعة

السلام عليكم ورحمة الله وبركاته أعزائي الأعضاء تم استرجاع منتدياتنا بعد تهكيرها ونلفت انتباهكم انه تم السيطرة على الوضع وعادت مندياتنا أفضل من السابق وشكرا لكم ونشكر المهندسين وشركة أحلى منتدى على المساعدة الكريمة وشكرا

    بديهيات سورية

    شاطر
    avatar
    Boss
    رئيس الموقع
    رئيس الموقع

    عدد المساهمات : 1147
    ليرة سوري : 19323
    السٌّمعَة : 1
    تاريخ التسجيل : 01/05/2009
    العمر : 24
    الموقع : الشارقة

    بطاقة الشخصية
    حقل المحبة: 3

    بديهيات سورية

    مُساهمة من طرف Boss في الجمعة مارس 12, 2010 10:42 am

    --------------------------------------------------------------------------------

    بــــديـــهـــيـــات ســـــــــــــوريّة
    > > بتكون قاعد بامان الله عم تتفرج على فلم عم تستنا فيه من اسبوع ليطلع بفوت ابوك بقلك شو عم تتفرج على فلم ....... لا عم بتفرج على برنامج ارضنا الخضراء ....((وكل هالتسميعة بتكون مشان يقلب عالجزيره او العربيه مشان يسمع اخبار طول النهار قاعد يسمع فيها)) عكلن اذا كبر ابوك خاويه .
    > >
    > > هي خالصين منها ..
    > >
    > > بتطلع بميكرو(سرفيس) وبتحط هيك وبتطلع ( عشر ليرات) وبتعطيها للي ئدامك، وبكل برودة بيئلك: واحد ؟
    > > لأ 60 !!!!!!!!!!!!!!!!!؟ ورجعلي الباقي
    > > بدك تنزل من الميكرو: عاليمين زكاتك.... بتتلقى الرد: نازل ؟؟
    > > لا والله بس عم جرب صوتي.
    > >
    > > كمان ...؟؟
    > >
    > > مذيعة بيوم العيد عم تلفلف بالشوارع وتلطي ع كم مواطن وتسأل وبنفس الوقت هي بتجاوب: شو بتساوي اول يوم العيد ؟ أكيد بتروح بتزور الأهل والقرايب..
    > > لا والله بالعادة بفكر العب دء طميمة وماروح لعندهم ..
    > > نفس المذيعة بتشوف ولد بالشارع وبتساله؟ حبيبي بتحب البابا والماما؟
    > > لا مابحبهم , بحب البوسنة والهرسك
    > >
    > > و بعدين ..؟؟
    > >
    > > حاطت راسك ونازل دحي بهالكتب والدراسة، بيجي أبوك أو امك...: عم تدرس؟
    > > لا والله ...!! عم غير زيت للسيارة
    > >
    > > هففففففففف..
    > >
    > > حامل سماعة التلفون وعم تبلش تدق بالأرقام، بيجيك عنصر مفاجئة من أهلك وعلى وشهم علائم الإستغراب والدهشة: بدك تحكي بالتلفون؟
    > > لأ شو إحكي !!! بس كنت عم جرب صوت طنة الأرقام.
    > >
    > > شي بيفتق عن جد ..
    > >
    > > لابس أحلى لبس عندك ومتعطّر وشايل مفاتيح السيارة وجزدانك و طاير لبرا البيت،
    > > بيجي حدا من أهلك بيسألك، شو رايحلك شي مشوار !!؟؟
    > > لا والله طالع عالأسطوح صلّح الدش
    > >
    > > بسيطة ولوووو ..
    > >
    > > معزومين ع بيت جماعة، ولما بتدقوا الباب ... بيفتح شي فهمان وبيقول بدهشة:هه إجيتوا ؟؟؟
    > > لا والله لساتنا عالطريق، في عجئة بشارع النيل..
    > >
    > > كتير هيك ..
    > >
    > > مطمطرء بتختك ونايم ومطفي الضو ومتغطي بالبطانية وتمك مفتوح متل مغارة جعيتا،
    > > بيجي واحد من أهلك بيفتح الباب ويقول :شو نايم ؟؟
    > > لأ !! عم ارقص.. بس الوضع بيوحي إني نايم..
    > >
    > > -----------
    > >
    > > و شو من شان المذيعات السوريات .. يلي أخف من النسمة علي قلبي .. و خاصة بأيام العيد .. (كل عام و أنتو بخير بمناسبة كل شي جاية عياد) ..
    > >
    > > ليش مذيعاتنا دائما عندون نفس الأسئلة؟؟
    > > ليش كل الشعب حفظان شو هي الأسئلة؟؟
    > > ليش ما بتتغير هالأسئلة؟؟
    > > يعني المذيعة بتروح على شي حديقة أو شي مطرح متجمعين فيه الأولاد الصغار بالعيد..... وبتبلش بالأسئلة الفذة تبعونها....
    > > اشتريت لبس جديد على العيد حبيبي؟؟؟
    > > يعني شوبتتوقع يقولها؟؟
    > > لأ...ما اشتريت لبس جديد....
    > > هادول سرقة من على حبل الغسيل تبع الجيران
    > > ولا بتتوقع يقولها
    > > أخدت لبس أخي الكبير تبع السنة الماضية ولبستو...؟؟
    > > طيب بركي فعلا كان في ولد هيك وضعو.... ليش حتى تسألو وتكسرلو نفسيتو قدام بقية الأولاد
    > >
    > > شو بتشتري بالعيد...شوكولاته وأكلات طيبة؟؟
    > > لا والله...على العيد بشتري 10 غرام حشيش...وبنقعد نصطهج فيون أنا ورفقاتي.....
    > > وبعدين بنأرجل.... وبناخدلنا كاسين
    > > يعني الولد الصغير شو بيحب يشتري وياكل؟؟ مجدرة ولا عدس بحامض؟؟
    > >
    > > شو بتعمل بالعيد احكيلنا حبيبي....بتلعب بالمراجيح؟؟
    > > لأ أبدا...ما بقرب صوب المراجيح....بالعيد بروح بلعب مصارعة رومانية...وشوية تايكواندو....
    > > بتلعب مع أصحابك بالعيد؟؟
    > > أعوذ بالله... شو مع أصحابي... أبدا... بنزل بلعب مع شوفيرية التكاسي والزعران...
    > >
    > > مع مين بتحب تروح بالعيد؟؟ مع ماما ولا بابا؟؟
    > > الله ياخد الـ 2.... الـ 2 أسئل من بعضون....مابينطاقو....
    > >
    > > احكيلنا ...وين بتروحو بالعيد إنت ورفقاتك... حبيبي....؟
    > > ما بدها سؤال...على الكباريه... لترين عرق.... 4 رقاصات .....2 على اليمين و2 على اليسار....
    > >
    > > طيب مذيعاتنا المهمات... ما عبيلاحظوا كيف الولد عبيتلعثم...
    > > وعبيتلبك... وما عبيعرف يحكي... ومالو رايد يحكي....
    > > وبلشت تشط ريالتو من العبطة... وما عبيطلع صوتو....وما عبيحكي شي....؟؟؟
    > > هالمذيعة الحنونة هاي.... ما عبيطلع من خاطرها تترك الولد بحالو؟؟
    > > ما عبتلاحظ إنو الولد ما بدويحكي....؟؟
    > > لك اتركيه بحالو....
    > > ما عبتلاحظ المسكين قديش انعبط ومتدايق
    > > وعلى شوي راح يبكي بدو ماما... نزعتلو العيد وأبو العيد....
    > > إي شو هالحنية الزايدة هاي؟؟
    > > يحرء حريشون على هالأسئلة
    AssAssIN
    AssAssIN

    عدد المساهمات : 6
    ليرة سوري : 12882
    السٌّمعَة : 1
    تاريخ التسجيل : 08/04/2010
    العمر : 26
    الموقع : دمشق

    رد: بديهيات سورية

    مُساهمة من طرف AssAssIN في الإثنين أبريل 12, 2010 3:11 pm

    عنجد شي مو معقوووول شي حلو وبضحك كتير يسلموووو
    مدحت عكاش
    مدحت عكاش
    رئيس الموقع
    رئيس الموقع

    عدد المساهمات : 845
    ليرة سوري : 28155
    السٌّمعَة : 11
    تاريخ التسجيل : 18/04/2009
    العمر : 26
    الموقع : shabab-ar

    بطاقة الشخصية
    حقل المحبة: 3

    رد: بديهيات سورية

    مُساهمة من طرف مدحت عكاش في الخميس أبريل 22, 2010 6:27 pm

    شكراااااااااااااااااااااا الك كتير على الموضوع


    ----------------------------------------------------------------------------
    من الجميل أن يكون لك قلب أنت صاحبه
    ولكن من الاجمل أن يكون لك صاحب أنت قلبه



    avatar
    ????
    زائر

    رد: بديهيات سورية

    مُساهمة من طرف ???? في الخميس أبريل 29, 2010 11:41 am

    هههههههههههههههههههههه هيك عم يصير معك ليش

      الوقت/التاريخ الآن هو الأربعاء يناير 23, 2019 7:46 pm